Friday, January 11, 2008

Битгий урваарай миний хүү

Г.Мөнхцэцэг

Битгий урваарай миний хүү

Хаанаас ирснийг нь мэдэхгүй
Хачин янзын амьтан минь
Хүзүүндээ зүүж эрхлүүлсэн
Хуруун чинээхэн бурхан минь
Үсээ цайтал хүлээсэн хөгшид
Үр минь чамайг авчрах гэж
Холын холд одоцгоосон

Гоёх насаа өөрөөсөө ч харамласан эжий минь
Ганцхан өглөөний нарнаар эмээ болж угтсан юм шүү чамайг
Чарлахаас өөрийг мэдэхгүй ирсэн чамайг
Цас бороонд бүгдээрээ сонссон юм шүү

Цамцны минь цаанаас унах гэж яарсан өдрүүдээ
Чамлаж битгий урваарай миний жаахан хүү
Чийгтэй хөх өвс яаж уйлдгийг харуулах гэж
Чинийхээ хөлийг ээж нь шүүдрээр угааж өгсөн юм шүү.
Цэцэг тасдаж эрхлэхгүй уяхан болгох гэж эжий нь
Чихэн дээр чинь тонгойн шүлэг аялсан юм шүү

Торгон ногоон дэвжээг хотойтол дэвэх аав нь
Тоглох газрын чинь хатууг зөөллөх гэж
Торгоор гоёсон зодгоороо
Тоосыг нь хааяа арчиж өсдөг юм шүү миний хүү
Томоо болсныг чинь шалгах гэж
Тоостой энэ орчлон хайртай бүхнийг чинь булаадаг юм шүү
Тогтохын дээдээр тогтсон хүлгийн нуруунаасаа
Тохсон эмээлээ сольж өөрөөсөө битгий урваарай

Бүгдээрээ чамайг жаргаах гэж
Бүсгүй болгон царайлаг төрдөггүй
Бүгээн хонгор нулимсаа эр хүн нууж унагадаг юм
Бүсээн нэвчтэл ганцаардахад чинь хэрэг болноо тэр чинь

Цагаахан сүүгээ ивэлтэл асгаруулж
Цээжээн хаттал өөрийгөө шингээлээ эжий нь чамд
Цагийн цагт холын холд ч цадталаа хөхсөн
Хүний үнэрээс минь битгий урваарай
Бүсийг чинь задалж хуурайлцсан аавынх нь энгэр шиг дулаахан
Бүгдээрээн зүхсэн ч энэ Монголоосоо бүр ч битгий урваарай
Миний жаахан хөвүүн

8 comments:

Arsun said...

Vсээ цайтал хүлээсэн хөгшид
Vр минь чамайг авчрах гэж
Холын холд одоцгоосон..
таалагдлаа.

ganga said...

Anh udaa tanai blogoor orloo. Purevdorj guain aldart tusgaar togtnol geed olon saihan shuleg nairaglaltai saihan blog baina.

Anonymous said...

hey sainuu..goe shuleg xiijee..bayarlalaa..olon shuleg xiigeerei..xaaya ingeed xaragdaj bail daa..:-)

бж said...

Yamar huurhun shuleg ve...

ZAYA said...

Сайн уу? Шинэ оны мэнд хүргэе.
Сайхан шүлэг байнаа.

Tsoomii said...

oird haragdaagui, ajil turul uudrug butemjtai yu. Shuleg ayataihan boljee. amjilt

byambaa said...

saihan shuleg bnaa.

turiin tomchuuld unshuulaad, ene shulgiig tseejilj tangarag urgudug bolmoor yum. yag l pionert elsdeg bsn shig...

Anonymous said...

Saihan shuleg bna